Кормандони Раёсати Хадамоти федеролии назорати мухадиротии ФР дар вилояти Перм фаъолияти гурӯҳи муташаккили ҷиноятиро, ки зери роҳбарии чанд тоҷик фаъолият дошт, қатъ намуда, 7 киллограм героин мусодира карданд. Дар ин бора ниҳоди мазкур иттилоъ додааст.
Қайд карда мешавад, ки дар натиҷаи тафтишоти тӯлонӣ, кормандони назорати мухаддиротӣ фаъолияти ғайриқонунии гурӯҳи қҷноятпешаеро таҳти роҳбарии шаҳрвандони Тоҷикистон қатъ менамоянд. Ба иттилои ин ниҳод, онҳо ба таҳвили миқдори зиёди героини сахттаъсир ба қаламрави вилояти Перм машғул будаанд.
Дар ҷараёни амалиёти фаврию ҷустуҷуӣ дар шаҳроҳи Перм-Екатеринбург кормандони полис як автомобилро боздоштанд ва аснои азназаргузаронии он 10 бастаи маводи нашъаоварро мусодира карданд, ки вазни он ду килограммро ташкил мекунад.
Аснои гузаронидани тафтиш дар манзили истиқоматии ҷинояткори асосӣ кормандони полис беш аз 3,5 кг, маводи нашъаовар мусодира карданд. Ҳамагӣ аз гардиши ғайриқонунии ҳамин қочоқчиён 7 килограмм героини дараҷаи таъсирнокияш баланд мусодира карда шудааст.
