Агентии назорати давлатии молиявӣ ва мубориза бо коррупсияи Тоҷикистон нисбати сарнозири маркази матбуоти Вазорати корҳои дохилии ҷумҳурӣ Баҳодур Саидов аз рӯи моддаи «қаллобӣ» парвандаи ҷиноӣ боз намуд.
Бино ба иттилои хадамоти матбуоти Агентӣ, Б.Саидов ба боварии шаҳрванд Д. даромада, барои мусоидат ба қабули ду ҷияни ӯ ба Академияи ВКД Тоҷикистон аз ӯ 9 ҳазор доллари ИМА пора гирифтааст.
Ба иттилои манбаъ, аз ҷониби Агентӣ нисбати сардори шуъбаи тафтишоти ШВКД-2-и ноҳияи Рӯдакӣ Нусрат Ёров низ аз рӯйи далели гирифтани пора парвандаи ҷиноӣ оғоз гардидааст.
Гуфта мешавад, бо миёнаравии шаҳрванде бо номи Табаралӣ Забиров, Ёров барои қатъи парвандаи ҷиноӣ аз шаҳрванд А.А. 2 ҳазор доллари ИМА пора гирифтааст.
