Рӯзи сешанбеи ҳамин ҳафта дар Палатаи савдо ва саноати Тоҷикистон раиси Палата Шариф Саид бо Шириш М.Сони, сафири Ҷумҳурии Африқои Ҷанубӣ дар Тоҷикистон, Қазоқистон, Туркманистон ва Қирғизистон (бо қароргоҳ дар Остона) мулоқот орост.
Бино ба иттилои хадамоти матбуоти ПСС ҶТ, Шариф Саид ба дипломати африқоӣ роҷеъ ба самтҳои афзалиятноки иқтисоди Тоҷикистон, аз ҷумла соҳаҳои гидроэнергетика, мошинсозӣ, саноати коркард, сохтмон, дорусозӣ ва сайёҳӣ ва ҳамчунин бахшҳои ниёзманд ба сармоягузорӣ маълумоти муфассал пешниҳод намуд.
Дар навбати худ сафири Ҷумҳурии Африқои Ҷанубӣ изҳор кард, ки кишвари ӯ бахусус ба роҳандозии ҳамкориҳо бо Тоҷикистон дар бахшҳои саноати кӯҳкорӣ ва сайёҳӣ таваҷҷуҳ дорад.
