Шоми дирӯз ҳаракати нақлиёт бо ду самти пули хиёбони Саъдии Шерозӣ (болои дарёи Душанбе) пас аз ним сол барқарор шуд.
Як самти ҳаракати купрӯк нимаи моҳи май ва нимаи тобистон таъмири самти дигари пул оғоз гардид. Ҳамин тариқ, муҳлати анҷоми пурраи корҳои таҷдиди пул аз ду самт ним солро дар бар гирифта, корҳои сохтмонӣ дар роҳҳои вуруди хурӯҷи он дар зери пул то ҳол идома доранд.
Дар робита ба корҳои таъмиру таҷдид ҳаракати нақлиёт тавассути ин пул маҳдуд гардида буд. Нахуст барқарор шудани ҳаракати нақлиёт бо ду самти пул то рӯзи ҷашни Истиқлолият – 9-уми сентябр дар нақша буд.
Аз мақомоти шаҳрдории пойтахт дар ин робита иттилоъ дода буданд, ки ба суръатбахшии бештар ба корҳои азнавсозии роҳу пулҳои пойтахт иншооти кӯҳнаи коммуникатсионӣ монеъа эҷод месозанд, ки маъмулан зери роҳҳо сохта шудаанд.
Бино ба иттилои қаблӣ, барои корҳои таъмиру азнавсозии пули мазкур ва роҳҳои мошингарди вуруду хурӯҷи он аз буҷети пойтахт беш аз 14 млн. сомонӣ маблағ ҷудо карда шуд.
