Чанде қабл вазири нақлиёти Тоҷикистон Хайрулло Асоев бо роҳбари намояндагиии Бонки аврупоии таҷдиду рушд (БАТР) дар Тоҷикистон ҷаноби Улф Хинстром мулоқот анҷом дод.
Бино ба иттилои хадамоти матбуоти Вазорати нақлиёти ҶТ, дар мулоқот дурнамои ҳамкориҳои дуҷониба дар бахши нақлиёт, аз ҷумла ҷараёни амалисозии лоиҳаҳои аз ҷониби ин бонк маблағгузоришуда дар ин самт ва мусоидати БАТР ба рушди ин соҳаи муҳими иқтисоди Тоҷикистон баррасӣ шуданд.
Қобили зикр аст, ки БАТР ба рушди зербинои иқтисод ва ҷомеаи Тоҷикистон, аз ҷумла беҳбуди вазъи хизматгузории нақлиёти ҷамъиятӣ маблағгузорӣ карда, дар ҳамдастӣ бо дигар ниҳодҳои байнулмилалӣ барои рушди ин бахш ба сифати қарз ва бурсҳои асосӣ ҳудуди 100 млн. $ маблағ ҷудо намудааст.
