Бо қарори раёсати Иттифоқи оҳангсозони Тоҷикистон оид ба муқаррар намудани номзадҳои сазовор барои ноил гардидан ба Ҷоизаи ба номи Борбад имсол ин мукофот ба мусиқишинос, доктори илмҳои санъатшиносӣ Аслиддин Низомов барои китоби «Таърих ва назарияи Шашмақом» (нашр соли 2012 дар Эрон ва сазовори ҷоизаи «Китби сол») ва мақолаҳои илмӣ-публисистӣ бахшида ба мусиқии анъанавии тоҷик («Мо зи фалак будаем», «Маънии фалакро зи фалак биҷӯй», «Ёдгори зиндаи тамаддун») супорида шуд.
Бино ба иттилои Иттифоқи оҳангсозони тоҷик, ҳамчунин муҳаққиқи таърихи мусиқӣ, доктори илмҳои таърих Наим Ҳакимов барои асари дуҷилдаи «Маданияти мусиқии тоҷикон» ба мукофот ба сазовор дониста шуд.
