Соли равон 42 млн. 16 ҳазору 302 сомонӣ ё худ 54%-и буҷети Кӯлоб ба соҳаи маориф равона мегардад.
Сардори Раёсати молияи шаҳри Кӯлоб Бахтиёр Назаров ба ОИ «Азия-Плюс» дар ин робита иттилоъ дод, ки соли ҷорӣ буҷети Кӯлоб дар маҷмӯъ дар ҳаҷми 77 млн. 421 ҳазору 814 сомонӣ тасдиқ шудааст, ки нисбат ба буҷети соли 2013 қариб 13 млн. сомонӣ зиёдтар аст.
Ба гуфтаи ӯ, қисмати даромади буҷет 34 млн. 943 ҳазору 27 сомониро ташкил дода, 42 млн. 10 ҳазору 385 сомонӣ аз марказ ба шаҳр фиристода мешавад. «Аз ин миқддор 49 млн. 912 ҳазору 24 сомонӣ ба пардохти музди меҳнат ва 12 млн. 350 ҳазору 99 сомонӣ барои пардохти нафақаву кӯмакпулиҳо равона мегардад», – афзуд номбурда.
