Ҷамъияти Ҳилоли Аҳмари Тоҷикистон (ҶХАТ) ба кӯдакони ятим ва маъюб 5 ҳазор адад маҷмӯи сарулибос тақдим
кард.
Тавре аз маркази иттилоотӣ-захиравии ҶҲАТ хабар доданд, ин кумак дар доираи Ёддошти тафоҳум оид ба ҳамкорӣ миёни ҶХАТ ва Ҷамъияти Ҳилоли Аҳмар (ҶХА)-и Аморати Муттаҳидаи Араб (АМА) аз ин кишвар дастрас шудааст.
«Маҷмӯи сарулибос ба интернат барои ношунавоёни ва кӯдакони қобилияташон маҳдуди шаҳри Душанбе, мактаб-интернати «Дӯстӣ»-и шаҳри Ваҳдат, мактаб-интернатҳо барои кӯдакони ятими ноҳияҳои Қубодиён, Вахш ва Ёвон расонида шуда, ин иқдоми башардӯстона идома дорад», – гуфт манбаъ.
Ба гуфтаи манбаъ, дар тақсимоти кумак ба ҷуз кормандони ҶХАТ ва ҶХА Аморати Муттаҳидаи Араб ҳамчунин намояндагони мақомоти маҳаллии ҳокимияти давлатӣ низ саҳм мегиранд.
«Агар Шумо ба ин иқдоми хайрия ҳамроҳ шуданӣ бошед, метавонед ба дафтари кории марказӣ ва филиалҳои мо дар шаҳру навоҳии кишвар муроҷита намоед», – иброз доштанд дар ҶҲАТ.
