Дар раддабандӣ (рейтинг)-и озодии васоити ахбори омма, ки аз ҷониби муҳаққиқони Созмони Freedom House ё Хонаи Озодӣ таҳия ва рӯзи панҷшанбе интишор шуд, миёни 197 кишвари дунё Тоҷикистон мақоми 175-умро ишғол намуд.
Дар рейтинг Тоҷикистон чун Русия, ки зинаи 176-умро касб кардааст, дар қатори кишварҳои матбуоташон «ноозод» ҷой гирифтааст.
Бино ба хулосаҳои муаллифони гузориш, тайи соли ахир вазъи озодии матбуот дар Тоҷикистон бад шудааст. Соли гузашта Тоҷикистон дар ин рейтинг мақоми 175-умро ишғол карда буд.
Вазъи матбуот дар Нидерланд, Норвегия, Шветсия, Белгия ва Финаландияро муаллифони гузориш бештар «озод» арзёбӣ намудаанд. Кореяи Шимолӣ, Ӯзбекистон, Туркманистон, Эритрея ва Белорус ба сафи кишварҳои матбуоташон «комилан нооозод» шомил гардидаанд.
Дар гузориши Freedom House зикр мегардад, ки тайи даҳсолаи ахир вазъи озодии матбуот дар саросари ҷаҳон то сатҳи пасттарини ниҳойӣ расидааст.
