Давомнокии миёнаи умр дар Тоҷикистон каме бештар аз 67 солро ташкил медиҳад.
Мутобиқи маълумоти Китоби умумиҷаҳонии далелҳои Раёсати марказии иктишофии ИМА (The World Factbook CIA), бо ин нишондиҳанда Тоҷикистон зинаи 166-умро ишғол кардааст, ки ҳам миёни кишварҳои Осиёи Марказӣ ва ҳам Иттиҳоди Давлатҳои Мустақил охирин аст.
Ҳамин тариқ, мақоми кишварҳои дигари Иттиҳоди Давлатҳои Мустақил чунин аст: Арманистон – ҷойи 166-ум (давомнокии миёнаи умр 74,12 сол); Ӯзбекистон – 125 (73,29 сол); Белорус – 138 (72,15 сол); Озарбойҷон – 141 (70,91 сол); Қазоқистон – 150 (70,24 сол); Русия – 151 (70,16 сол); Молдова – 152 (70,12 сол); Украина – 156 (69,14 сол), Туркманистон – 156 (69,47 сол), Қирғизистон – 153 (70,06 сол) ва Тоҷикистон – 166 (67,06 сол).
Дар рӯйхати кишварҳои зикргардида мақоми аввали насиби Монако шудааст, ки давомнокии миёнаи ҳаёт дар он 89,57 солро ташкил медиҳад. Мақомоти дуюмро Макао ва зинаи сеюмро Ҷопон ишғол карда, даҳгонаи кишварҳои беҳтарин дар ин рӯйхат бо Австралия (82,07 сол) хотима меёбад.
Сегонаи кишуварҳои номусоидтарин барои ҳаёт аз Гвинеа-Бисау, Африқои Ҷанубӣ ва Чад иборат аст, ки давомнокии миёнаи умр дар онҳо ба 49-50 сол баробар аст
