Чанде қабл вазири меҳнат, муҳоҷират ва шуғли аҳолии Тоҷикистон Сумангул Тағоева бо сафири Фаронса дар Тоҷикистон Дидйе Леруа мулоқот кард.
Бино ба иттилои Раёсати ҳамкории байнулмилалӣ ва робитаҳои ҷамъиятии Вазорати мазкур, зимни мулоқот масоили марбут ба фаъолияти созмони ҷамъиятии гуманитарии «Кӯдакон, гурезаҳо ва шаҳрвандони ҷабрдида» (RCVC)-и Фаронса дар Тоҷикистон баррасӣ шуданд.
Гуфта мешавад, ҷонибҳо оид ба масъалаи омодакунии лоиҳаи созишнома миёни вазорат ва созмони мазкур дар масъалаҳои касбомӯзии кӯдакони маъюб ва аҳолии камбизоати Тоҷикистон тавофуқ ҳосил кардаанд.
