Мутахассисони ҶСК «Турбоатом» моҳи май корҳои ивазу насби таҷҳизот дар нерӯгоҳи Норак (истгоҳии №3)-ро ба итмом расониданд.
Чӣ тавре ки дар сомонаи ҶСК «Турбоатом» иттилоъ дода мешавад, таҷхизоти ғалақа (гидрозатвор)-и курашакл муддати беш аз 40 сол дар нерӯгоҳ кор карда, захираҳои коршоямиаш ба охир расида буданд.
Зикр мегардад, ки интиқоли ин таҷҳизот хеле мушкил аст, зеро бори хеле бузургҳаҷм ва вазнаш 600 тоннаву диаметри гузаришаш 4,2 метр мебошад. «Аз ин рӯ, тасмим гирифта шуд, ки ҳамаи корҳо бевосита дар нерӯгоҳ ба иҷро расонида мешаванд. Тамоми корҳои таъмир ним сол идома ёфта, ҳамзамон чархаи кориии гидротурбина низ иваз карда шуд», – гуфта мешавад дар иттилои корхона.
Ба қавли тарроҳ оид ба гидротурбинаҳо Александр Линник, то ҳол касе дар шароити бевосита дар нерӯгоҳ ба ин монанд кореро анҷом надодааст. «Барои мо ин таҷрибаи нахуст ва муваффақ ҳам аст. Ин чорабиниҳо ба беҳбуди эътимонокии истифодаи таҷҳизот равона гардида, бехатарии минбаъдаи фаъолияти нерӯгоҳро таъмин мекунанд», – иброз доштааст номбурда.
