Дар шаҳри Қайроққуми вилояти Суғд ҳамоиши ҷавонон дар мавзӯи «Ташаббусҳои ихтиёриён (волонтёрҳо)», ки рӯзи 21-уми июн оғоз шуда буд, ба итмом расид.
Тавре ба «Азия-Плюс» аз Кумитаи ҷавонон, варзиш ва сайёҳии назди ҳукумати ҶТ хабар доданд, дар кори ҳамоиш намояндагони мақомоти давлатӣ ва хусусии Тоҷикистон, Қирғизистон, Қазоқистон, Чин ва Русия ширкат варзиданд.
Ба иттилои манбаъ, иштирокчиёни ҳамоиш атрофи ҳаракати ихтиёриён дар кишварҳои худ табодули назар намуда, нақшаи чорабиниҳо оид ба таҳким ва рушди фаъолияти ихтиёриён дар паҳнои Созмони ҳамкории Шанхай (СҲШ)-ро таҳия намуданд.
