Раиси вилояти Хатлон Давлатшо Гулмҳмадов дар оғози маъракаи ҷамъоварии ҳосили имсолаи картошка дар ноҳияи Мӯъминобод ширкат варзид.
Раиси ноҳияи Мӯъминобод Пирмад Зарифов ба «Азия-Плюс» дар ин робита иттилоъ дод, ки имсол дар ноҳия ба сурати умум дар майдони 650 гектар картошка кишт шуда, рӯзҳои аввали ҳосилғундорӣ гувоҳи онанд, ки ҳадди ақал аз ҳар як гектар то 40 тоннагӣ картошка ҷамъоварӣ хоҳад шуд.
Ба гуфтаи ӯ, дар оғози мавсим кишти картошка дар майдони 1100 гектар пешбинӣ шуда буд, вале дар робита ба босуръат болоравии нархи тухмии он, на ҳамаи хоҷагиҳои деҳқонӣ барои харидории он воситаҳои зарурӣ дарёфт карда тавонистанд.
«Дар майдони барои кишти картошка пешбинишуда гандум кишт карда шуд», – гуфт Зарифов ва илова намуд, ки барои минбаъд танқисӣ накашидан аз тухмии картошка, тасмим гирифта шудааст, ки соли 2015 дар ноҳияи фондии худии захираи тухмии он ташкил карда шавад.
