Дар Душанбе Синамобазми шашуми байнулмилалии «Дидор» ба кор шурӯъ кард.
Ҷашнвора имрӯз дар Хонаи кино бо намоиши филми коргардон Сафарбек Солеҳ «Комил» шурӯъ шуда, сипас филми коргардони арманӣ Диана Карданян «Муколамаҳо» (Диалоги), филми анниматсионии коргардони тоҷик Б.Қаҳҳоров «Буд-набуд» ва филми коргардони Озарбойҷон Нонна Музаффарова-Хонлар-қизи «Алло, ин ман» (Алло, это я») ба маърази тамошо гузошта шуд.
Шоми имрӯз дар «Кохи Ҷомӣ» маросими расмии ифтитоҳи ҷашнвора доир гардида, дар он филми коргардон Носир Саидов «Муаллим» намоиш дода мешавад.
Дар ҷашнвора синамогарони Арманистон, Афғонистон, Русия, Қазоқистон, Ӯзбекистон, Гурҷистон, Озарбойҷон, Тоҷикистон ва Эрон иштирок мекунанд. Синамобазм то 20-уми октябр идома меёбад.
