Пагоҳ, 17-уми декабр интиқоли об ба сокинони маркази маъмурии вилояти Хатлон – шаҳри Қӯрғонтеппа комилан қатъ мешавад.
Сармуҳандиси муассисаи байниноҳиявии обу корези Қӯрғотеппа Ҷумъахон Зоҳиров ба «Азия-Плюс» дар ин робита иттилоъ дод, ки бинобар сабабаи тоза кардани обанбори муассиса аз соати 8-и субҳ то 18-00-и шом интиқоли об ба аҳолии шаҳр қатъ мегардад.
«Дар бораи қатъи интиқоли об дар ин рӯз мо хаттӣ мақомоти шаҳрдорӣ, муассисаҳои тиббӣ ва низоми маорифро огаҳ кардем. Ҳамчунин тариқи шабакаи телевизион ва радиои маҳаллӣ ба аҳолӣ тавсия додем, ки барои ин рӯз обро захира намоянд», – гуфт ӯ.
Номбурда ҳамчунин зикр кард, ки чунин корҳои таъмири дастгоҳу таҷҳизот ва тозакунии обанборро корхона дар як сол як маротиба мегузаронад.
