Тибқи иттилоъи масъулини Ҳизби наҳзати исломии Тоҷикистон дар маҳалҳо, масъулини бахшҳои ҲНИТ дар шаҳри Хуҷанд ва Панҷакент рӯйхати намояндагони ҳизбро барои вуруд ба ҳайати комиссияҳои участкавии интихоботӣ пешниҳод карданд, аммо Комиссияҳои ҳавзавӣ аз вуруди ишон дар комиссияҳои участкавӣ худдорӣ намуданд.
Бино ба иттилои сомонаи расмии ҲНИТ, комиссияҳои ҳавзавӣ далели радди вуруди ишонро чунин шарҳ додаанд: “Дар қонуни конститутсионии мазкур (Қонуни конститутсионии ҶТ “Дар бораи интихоботи Маҷлиси олии ҶТ”) ворид намудани намояндаҳои аҳзоби сиёсӣ ба ҳайати комиссияҳои участкавии интихоботӣ, пешбинӣ нашудааст.”
Гуфта мешавад, аммо Қонуни ҶТ “Дар бораи ҳизбҳои сиёсӣ”, моддаи 17 гуфтааст, ки ҳизби сиёсӣ “дар комиссияҳои интихоботӣ метавонад намояндагӣ кунад.” Ҳамчунин, Қонуни конститутсионии ҶТ “Дар бораи интихоботи Маҷлиси Олии ҶТ” вуруди намояндаҳои аҳзоби сиёсиро манъ накардааст.
Зимнан зикр мегардад, ки бахши Ҳизби наҳзат дар ноҳияи Панҷакент баъди радди рӯйхати намояндаҳояш аз тарафи Комиссияи ҳавзавии ноҳия ба Суди ноҳия муроҷиат кардааст, аммо Суди ноҳиясанаи 12-уми январ, қазияро ба фоидаи Комиссияи ҳавзавӣ ҳал кард.
