Дар соли 2014 бақияи умумии пасандозҳо дар ташкилотҳои қарзии Тоҷикистон нисбат ба соли гузашта 19,2 фоиз афзуда, 6,7 млрд. сомониро ташкил дод.
Бино ба маълумоти Бонки миллии ҷумҳурӣ, ҳиссаи пасандозҳо бо пули миллӣ ва асъори хориҷӣ дар таркиби бақияи умумии пасандозҳо мувофиқан 34,3 ва 65,7 фоизро ташкил дода, ҳаҷми бақияи пасандозҳо нисбат ба ҳамин давраи соли қаблӣ бо пули миллӣ 33,9 фоиз ва бо асъори хориҷӣ 12,8 фоиз афзоиш ёфтааст
Гуфта мешавад, ҳаҷми пасандозҳои шахсони воқеӣ ва ҳуқуқӣ дар муқоиса ба соли гузашта мутаносибан 14,6 фоиз ва 27,9 фоиз афзуда, ҳиссаи онҳо дар бақияи умумии пасандозҳо мувофиқан 63,0 ва 37,0 фоизро ташкил додааст.
Қобили зикр аст, ки ба ахири соли 2014 дар Тоҷикистон 138 адад ташкилотҳои қарзӣ, аз ҷумла 17 бонк, 120 адад ташкилоти қарзии хурд, 1 ташкилоти қарзии ғайрибонкӣ ва 344 адад филиалҳои бонкҳо фаъолият доранд.
