Дар шаҳри Душанбе мулоқоти вазири рушди иқтисод ва савдои ҶТ Неъматулло Ҳикматуллозода бо сафири Ҷумҳурии Ҳиндустон дар дар Тоҷикистон Аситҳ Бҳатттачарҷи баргузор гардида, дар он ҳамкориҳои самарбахши иқтисодӣ байни Тоҷикистон ва Ҳиндустон баррасӣ шуданд.
Бино ба иттилои хадамоти матбуоти Вазорати рушди иқтисод ва савдои ҶТ, ҷонибҳо азми худро ҷиҳати боз ҳам густариш додани ҳамкориҳои иқтисодию тиҷоратӣ баён дошта, дар масъалаҳои ҳавасмандии ҷониби Ҳиндустон ба Созишномаи сеҷонибаи транзитӣ байни Ҷумҳурии Тоҷикистон ва ҷумҳуриҳои Исломии Афғонистону Покистон, инчунин омодагӣ ба ҷаласаи навбатии Комиссияи байниҳукуматии Тоҷикистону Ҳиндустон оид ба ҳамкориҳои иқтисодию тиҷоратӣ ибрози назар намуданд.
Гуфта мешавад, гардиши савдои хориҷӣ байни ду кишвар дар соли 2014 ҳамагӣ 21 млн. доллари ИМА-ро ташкил дод. Маҳсулоти содиротиро асосан доруворӣ ташкил дода, сохтори воридот аз маҳсулоти доруворӣ ва фармасевтӣ, гӯшти гов ва маҳсулот аз металлҳои сиёҳ иборат аст.
