Рӯзи 27 феврали соли 2015 дар шаҳри Душанбе муовини вазири корҳои хориҷии Тоҷикистон Низомиддин Зоҳидӣ бо раиси корхонаҳои саноати ҳарбии Ҷумҳурии Исломии Покистон генерал-лейтенант Муҳаммад Аҳсан мулоқот кард.
Бино ба иттилои Вазорати корҳои хориҷии ҷумҳурӣ, дар ҷараёни мулоқот масъалаҳои рушди муносибатҳои дуҷониба мавриди баррасӣ қарор гирифтанд.
Гуфта мешавад, ҷонибҳо ҳамчунин дар атрофи рушди ҳамкориҳои Тоҷикистону Покистон дар соҳаи иқтисодиёту тиҷорат ва вазъият дар Афғонистон дар пасманзари хуруҷи қувваҳои эътилофи байналмилалӣ, табодули назар карданд.
