Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 50-солаи сокини ноҳияи Ҳисор ҳамчун гумонбар дар қасдан расонидани зарари вазнини ҷисмонӣ дастгир карда шуд.
Сомонаи ВКД ҶТ дар шарҳи ин хабар мегӯяд, номбурда рӯзи 15 апрел, тахминан соати 23:00-дақиқа дар ҳолати мастӣ дар хонаи истиқоматиаш аз сабаби муноқишаи рухдода бо ҳамсараш ҷангу ҷанҷол намуда, ӯро мавриди лату кӯб қарор додааст.
Гуфта мешавад, дар натиҷа ҳамсараш ҷароҳатҳои вазнини ҷисмонӣ бардошта, ҳангоми ба беморхона дастрас намудан, дар роҳ ба ҳалокат расидааст.
Зимнан зикр мегардад, ки аз рӯи ин ҳодиса парвандаи ҷиноятӣ оғоз гардида, тафтишот идома дорад.
