Кумитаи андози назди ҳукумати Тоҷикистон дигар ба қабули ҳисобнома-фактураҳои андоз аз арзиши иловашуда хотима бахшида, аз 1-уми июли соли равон чунин санадҳо ба Кумитаи андоз бояд танҳо дар шакли электронӣ пешниҳод шаванд.
Дафтари матбуоти Кумитаи андоз дар ин робита
иттилоъ медиҳад
, ки тибқи муқаррароти Кодекси андози ҶТ ва «Тартиби пешниҳоди ҳисоботи андоз дар шакли
Электронӣ», ки бо фармоиши раиси Кумитаи андоз аз 26 январи соли 2013 тасдиқ карда шудааст, дар мақомоти андоз тартиби қабули эъломияҳои андоз дар шакли электронӣ ба роҳ монда шудааст.
Қобили зикр аст, ки ҳисобнома-фактура санади асосӣ барои дарҷи маблағҳои андоз аз арзиши иловашуда буда, дар муносибатҳои хоҷагидорӣ миёни контрагентҳо далели таҳвили мол ё пешниҳоди хизматгузориҳоро мебошад. Ҳисобнома-фактураҳои мабалғҳои фурӯш, пардохт ё қисман пардохти маблағ ё хизматгузориҳо дар китобҳои хари ё фурӯш дарҷ карда мешаванд.
