Дар доираи лоиҳаи Ташкилоти ғизо ва кишоварзии СММ (ФАО) дар мавзӯи беҳбуд ва рушди устувори соҳаи шири Тоҷикистон 15 нафар мутахассисони соҳаи коркарди шири ҷумҳурӣ ширкат варзиданд.
Тавре аз намояндагии ФАО дар Тоҷикистон иттилоъ доданд, мақсади асосии ҷамъомад мубодилаи таҷрибаи минтақавию байналхалқӣ дар соҳаи истеҳсол ва коркарди шир мебошад.
Гуфта мешавад, вазорати саноат ва технологияҳои нави Тоҷикистон соли гузашта ба ФАО муроҷиат кард, то ки барои рақобатпазир гардидани саноати ширӣ, ба тарҳи стратегии (усули) маркетингӣ ва нақшаи рушди сертификасияи байналхалқӣ кӯмаки худро расонад.
«Солҳои охир саноати ватанӣ дар соҳаи коркарди шир ва ҷамъи он ба миқдори зиёд саҳмгузорӣ намудааст. Ба ҳар ҳол, саноати ширии Тоҷикистон бо мушкилии дигар бархурдор гардидааст: ин ҳам рақобати сахт аз тарафи маҳсулоти шири хориҷие, ки тадриҷан бозори маҳаллиро пур карда истодааст», – гуфтаась Виорел Гутсу, намояндаи ФАО дар Тоҷикистон.
Зикр мегардад, ки лоиҳаи ФАО бо арзиши 45.700 доллари ИМА дар ҳамкорӣ бо вазорат ва бахши хусусӣ амалӣ мегардад. Дар чорчӯбаи лоиҳа машваратчии байналхалқии ФАО дар ҳамкорӣ бо шарикони маҳаллӣ вазъияти мушкилиот ва талаботи саноати шириро таҳлил намуда, ҳамчунин , бо назардошти хусусияти шири бозори маҳаллӣ, равиши самараноки баланд бардоштани даромаднокии соҳаи шириро пешниҳод мекунад.
