Бонки миллии Тоҷикистон (БМТ) фаъолияти Ташкилотҳои амонатии қарзии хурд “Ҳамдастӣ” ва “Молия ва Сармоя”-ро дар самти иҷрои амалиётҳои ҷалби амонат ва пасандозҳои шахсони воқеӣ ва ҳуқуқӣ, додани қарзи хурд (бо таъмин ва бе таъмин) ба муҳлати 1 сол манъ кард.
Дар маълумоти аз ҷониби хадамоти матбуоти БМТ интишоршуда сабаби ин амал риоя нагардидани талаботҳои қонунгузории бонкӣ ва санадҳои меъёрии ҳуқуқии Бонки миллии Тоҷикистон унвон мешавад.
Ба иттилои мнабаъ, тибқи қарори дахлдори БМТ, ТАҚХ “Ҳамдастӣ” ва ТАҚХ “Молия ва Сармоя” вазифадор карда шудаанд, ки ҷиҳати беҳтар кардани ҳолати молиявии ҷамъият, иҷрои уҳдадории хеш дар назди амонатгузорон дар муҳлати на дертар аз 15 рӯз баъд аз қабули қарори мазкур нақшаи чорабиниҳоро таҳия карда, ба Бонки миллии Тоҷикистон пешниҳод намояд.
