Бар асари садамаи нақлиёт дар роҳи мошингарди Душанбе – Хуҷанд се нафар ба ҳалокат расиданд.
Дафтари матбуоти ВКД Тоҷикистон дар шарҳи ин ҳодиса менависад, рӯзи 2 июл ронандаи автомашинаи тамғаи “Опел-Астра”, марди 22-солаи сокини ноҳияи Данғара, ҳангоми ҳаракат аз самти ш. Хуҷанд ба самти ш. Душанбе дар рӯ ба рӯи деҳаи Даҳанаи ноҳияи Варзоб аз ӯҳдаи идора кардани воситаи нақлиёт набаромада, автомашина ба дохили дарёи Варзоб чаппа шуда, ғарқ мешавад.
Гуфта мешавад, дар натиҷа, ронандаи автомашина ва мусофири он, зани шахсияташ номаълум, тахминан 40-45 сола ҷароҳати вазнини ҷисмонӣ бардошта, дар ҷойи ҳодиса ба ҳалокат расидаанд. Ҷасади мусофири дигари автомашина, марди шахсияташ номаълум, тахминан 25-30-сола, аз ҳудуди деҳаи Варзоб дарёфт карда шудааст.
