Тӯли шабонарӯзи сипаришуда бар асари ҳодисаҳои садамаи нақлиёт дар роҳҳои мошингарди ҷумҳурӣ 5 нафар шаҳрвандон ба ҳалкоат расиданд.
Бино ба иттилои дафтари матбуоти Вазорати корҳои дохилии ҷумҳурӣ, ронандаи автомашинаи тамғаи “Опел-Астра”, Пиров Аскар соли таваллудаш 1944, сокини ноҳияи Рашт, ҳангоми ҳаракат дар роҳи деҳаи Яшми ҳамин ноҳия, ба теппаи канори рости роҳ баромада чаппа шудааст. Дар натиҷа ронанда Пиров А. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
шаҳрванд Убайдуллоев Абдулламит соли таваллудаш 1962, сокини ноҳияи Исфара бо трактори шахсиаш тамғаи “Т-28 Х4”, дар ҳудуди заминҳои корам, ҳангоми ба корҳои саҳроӣ машғул буданаш, дар нишебии қитъаи замин тракторро боздошта, ҳангоми фаромадан ногаҳон трактор ба болояш чаппа шудааст. Дар натиҷа шаҳрванд, Убайдуллоев А. ҷароҳати вазнини ҷисмонӣ бардошта, дар беморхона ба ҳалокат расидааст.
Санаи 02.08.с.2015 ронандаи автомашинаи тамғаи “Мерседес-Бенс”, марди 24-солаи сокини ноҳияи Истаравшан, ҳангоми ҳаракат дар роҳи нақлиётгарди “Душанбе-Хуҷанд-Чаннок” дар ҳудуди ҷамоати деҳоти Шаҳристон аз ӯҳдаи идораи воситаи нақлиёт набаромада, ба қафои автомашинаи тамғаи “КАМАЗ-53212”, таҳти идораи ронанда, марди 59-солаи сокини ноҳияи Мастчоҳ бархӯрдааст. Дар натиҷа худи ронандаи автомашинаи тамғаи “Мерседес-Бенс” ҷароҳати вазнини ҷисмонӣ бардошта, дар беморхона ба ҳалокат расидааст.
Ҳамин тариқ, худи ҳамин рӯз, ронандаи автомашинаи тамғаи “Опел-Вектра”, ҷавони 18-солаи сокини шаҳри Конибодом, ҳангоми ҳаракат дар роҳи нақлиётгарди “Исфара-Конибодом” дар ҳудуди маҳаллаи-19 аз ӯҳдаи идораи воситаи нақлиёт набаромада, ба самти муқобили ҳаракат баромада чаппа шудааст. Дар натиҷа худи ронанда ҷароҳати ҷисмонӣ бардошта, дар беморхона бистарӣ шудааст. Инчунин, мусофирони автомашинаи мазкур шаҳрвандон: марди 58-солаи сокини ноҳияи Исфара ва ҷавони 19-солаи сокини шаҳри Конибодом ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд.
