Моҳи августи соли равон шумори муҳоҷирони кории Тоҷикистон, ки барои корҷӯӣ ба хориҷи кишвар азми сафар мекарданд, беш аз 22% коҳиш ёфт.
Бино ба иттилои дафтари матбуоти Хадамоти муҳоҷирати Вазорати меҳнат, муҳоҷират ва шуғли аҳолии ҶТ, моҳи гузашта Тоҷикистонро ба хотири дарёфти кор дар хориҷи мамлакат беш аз 45,8 ҳазор нафар тарк кардаанд.
Ба иттилои манбаъ, давоми 8 моҳи соли 2015 ҳудуди 430 ҳазор нафар шаҳрвандони Тоҷикистон муҳоҷирати корӣ дар хориҷи кишварро ихтиёр намудаанд, ки нисбат ба ҳамин давраи соли гузашта 28 ҳазору 676 нафар ё худ 9,3% камтар аст.
Дар ҳамин ҳол, мутобиқи
маълумоти
Хадамоти федералии муҳоҷирати Русия, ба аввали моҳи сентябр ҳудуди 979 ҳазор нафар шаҳрвандони Тоҷикистон дар қаламрави Русия қарор доштанд, ки беш аз 821 ҳазор нафарашонро занон ва зиёда аз 157 ҳазор нафарашонро занон ташкил додаанд. Ба иттилои ҳамин манбаъ, аввали сол шумори тоҷикистониён дар Русия ба беш аз 999,1 ҳазор нафар мерасид.
