Хадамоти мухоҷирати Вазорати меҳнат, муҳоҷират ва шуғли аҳолии ҷумҳурӣ дар ҳамкорӣ бо шуъбаи Агентии меҳнат ва шуғли аҳолӣ дар ноҳияи Варзоб курсҳои омӯзиши забони русӣ, таърих ва асосҳои қонунгузории Русияро ташкил кард.
Бино ба иттилои сомонаи расмии Хадамоти мазкур, айни замон дар он 189 нафар сокинон барои касбомӯзӣ ва омӯзиши забони русӣ машғуланд, ки 80 нафари онҳо занҳо мебошанд.
Гуфта мешавад, мувофиқи нақшаи корӣ, рӯзҳои қабули шаҳрвандон ҳар ҳафта ду маротиба бо тариқи шифоҳӣ ва ҳамарӯза тариқи телефон ҷорӣ карда шудааст. Ба бахши Хадамоти муҳоҷират то ба ин муддат 367 нафар тариқи шифоӣ ва 38 нафар тариқи телефонӣ муроҷиат намуданд ба саволҳои худ ҷавобҳои мушаххас гирифтанд.
Зимнан зикр мегардад, ки дар самти пешгирии муҳоҷирати ғайриқонунӣ бошад, муайян карда шудааст ки дар ҶДММ «Исинзян Инхай» корхонаи хиштбарорӣ теъдоди 12 нафар шаҳрвандони Ҷумҳурии Мардумии Чин бо иҷозатнома кору фаъолият доранд. Дар ҶДММ «Тоҷикистон» корхонаи сементбарорӣ, конҳои ангишти «Зиддӣ» ва «Санғалт» шаҳрвандони хориҷӣ бо ҳамаи ҳуҷҷатҳои лозима фаъолият намуда истодаанд.
