Палатаи поёнии парлумони ҷумҳурӣ ба омӯзиши тағйироту иловаҳои пешниҳодшуда аз ҷониби ҳукумат ба қонун «Дар бораи бақайдгирии давлатии асноди ҳолати шаҳрвандӣ» шурӯъ намуд.
Котиби матбуотии палатаи поёнии парлумони ҷумҳурӣ Муҳаммадато Султонов дар ин робита иттилоъ дод, ки тағйироту илова ба қонуни мазкур бо мақсади мутобиқ намудани меъёрҳои он ба талаботи қонунгузории муосир ва уҳдадориҳои байналмилалии Ҷумҳурии Тоҷикистон, аз байн бурдани баъзе номутобиқатиҳои дохилӣ, инчунин ба танзим даровардани номгузории ба пояҳои таърихӣ ва фарҳангии миллии тоҷикӣ асосёфта ва худдорӣ намудан аз номгузории бегона бо тартиби ҳуқуқи ташаббуси қонунгузорӣ аз тарафи ҳукумати Тоҷикистон пешниҳод гардидааст.
Ба гуфтаи ӯ, мутобиқи тағйироту иловаҳо, ба шаҳрвандони ҷумҳурӣ пешниҳод карда мешавад, ки тифлони худро мутобиқи меъёрҳои фарҳанги миллии мардуми тоҷик номгузорӣ кунанд.
Аз шарҳу тавзеҳоти минбаъда дар робита ба ин масъала манбаъ худдорӣ варзида, изҳор намуд, ки палатаи поёнии палатаи парлумон ҳоло аз 30 ноябр ба омӯзиши ин масъала оғоз кардааст.
