Соати 17:20-дақиқаи рӯзи 20 апрел як сокини пойтахт зери чархи қатораи мусофиркашии хатсайри самти Маскав-Душанбе монд.
Бино ба иттилои маркази матбуоти ВКД Тоҷикистон, қатора таҳти идораи машинист, марди 46-солаи сокини ноҳияи Рӯдакӣ ва ёрдамчии машинист марди 29-солаи сокини ноҳияи Ҳисор қарор доштааст.
Гуфта мешавад, қатора ҳангоми ҳаракат марди 58-солаи сокини шаҳри Душанберо, ки қад-қади роҳи оҳан роҳ мегаштааст, пахш намудааст.
Зимнан зикр мегардад, ки дар натиҷа ҷабрдида ҷароҳати вазнини ҷисмонӣ бардошта, дар беморхона ба ҳалокат расидааст.
