Имрӯз дар 43 маркази имтиҳонӣ барои довталабони гурӯҳи ихтисосҳои 1-ум имтиҳони қисми А оғоз шуд. Дар ин имтиҳон иштироки зиёда аз 12 ҳазор довталаби азқайдгузашта дар назар аст.
Бино ба иттилои хадамоти матбуоти Маркази милии тестии назди президенти ҶТ, дар соли 2016 теъдоди умумии довталабони азқайдгузашта зиёда аз 83 500 довталабро ташкил мекунад.
Қайд мешавад, ки имтиҳонҳои марказонидаи дохилшавӣ дар 15 шаҳру ноҳияи инихобии ҷумҳурӣ дар 43 маркази имтиҳоние, ки аз ҷониби вазорати маориф ва илми Тоҷикистон тасдиқ шудааст, баргузор мегарданд. Рӯйхати марказҳои имтиҳонӣ дар сомонаи расмии Маркази милии тестии назди Президенти Ҷумҳурии Тоҷикистон гузошта шудааст.
Ёдрас мешавад, ки имтиҳонҳои қисми А (имтиҳони умумӣ) ва қисми Б (имтиҳони ихтисос) вобаста аз гурӯҳи ихтисосҳо аз 1-ум то 13-уми июл дар марказҳои имтиҳонӣ ва аз рӯйи қисми В (имтиҳонҳои эҷодӣ ва маҳорати махсус) аз 25-уми июн то 5-уми июл дар муассисаҳои таълимии дахлдор баргузор мегарданд.
Нишонии маркази имтиҳон дар даъватнома нишон дода мешавад.
Дар маҷмӯъ довталабон имтиҳонҳои зеринро месупоранд:
Қисми А (имтиҳони умумӣ) аз 3 субтести иборат аз 4 фанни таълимӣ (забони тоҷикӣ, математика, таърихи халқи тоҷик ва асосҳои давлат ва ҳуқуқ);
Қисми Б (имтиҳони ихтисос) аз 3 субтести иборат аз 3 фанни таълимӣ (вобаста аз ҳар гурӯҳи ихтисосҳо);
Қисми В (имтиҳони эҷодӣ ва маҳорати махсус) – дар сурати интихоб кардани ихтисосҳое, ки супоридани чунин имтиҳонро талаб мекунанд.
Ёдовар мешавем, ки эълони натиҷаҳои имтиҳонҳо тибқи нақша 25 июл ва пешбинӣ гардидааст. Инчунин натиҷаҳои имтиҳонҳои эҷодӣ ва маҳорати махсусро муассисаҳои таълимии дахлдор дар давоми 1-2 рӯз пас аз имтиҳонҳои мазкур ва Марказ 25 уми июл эълон менамояд.
