Ҳайати Тоҷикистон таҳти роҳбарии сарвазири ҷумҳурӣ Қоҳир Расулзода дар ҷаласаи навбатии сарвазирони кишварҳои Иттиҳоди Давлатҳои Мустақил (ИДМ), ки рӯзҳои 25-26 май таҳти раёсати сарвазири Русия Дмитрий Медведев дар шаҳри Қазон доир мегардад, иштирок мекунад.
Тавре ба «Азия-Плюс» як манбаъ аз ҳукумати ҷумҳурӣ дар ин робита иттилоъ дод, дар ҳошияи кори ҷаласаи мазкур Қоҳир Расулзода бо чанде аз ҳамтоҳои худ аз давлатҳои ИДМ дидору гуфтушунид мекунад.
Бино ба маълумоти хадамоти матбуоти Кумитаи иҷроияи ИДМ, дар ҷаласа баррасии 13 лоиҳаи санадҳои марбут ба ҳамкориҳо дар бахшҳои инноватсия, таъмини бехатарии нақлиёт, истифодаи энергияи атомӣ бо мақсадҳои осоишта, омодакунии мутахассисон дар соҳаҳои геодозия, харитасозӣ ва ғайра дар назар аст.
Ғайр аз ин, сарвазирон санадҳои марбут ба танзими ҳамкориҳо дар соҳаҳои радионавигатсия, муқовимат ба истеҳсол ва паҳнкунии маҳсулоти қалбакӣ ва ҳимояи моликияти зеҳниро низ баррасӣ хоҳанд кард.
