Вазири корҳои хориҷии Тоҷикистон Сироҷидин Аслов сафири Ҷумҳурии Федеративии Олмон дар Тоҷикистон Холгер Грэнро бинобар анҷомёбии рисолати дипломатиаш дар Тоҷикистон ба ҳузур пазируфт.
Бино ба иттилои Вазорати корҳои хориҷии ҷумҳурӣ, дар рафти суҳбат ҷонибҳо аз сатҳи бадастомадаи муносибатҳои мутақобилан судманд миёни ду кишвар изҳори қаноатмандӣ намуданд.
Гуфта мешавад, ҳамсӯҳбатон ҷиҳати рушди ҳамкориҳо дар соҳаҳои иқтисодӣ, сармоягузорӣ ва фарҳангӣ изҳори ҳавасмандӣ карданд.
Сироҷиддин Аслов аз фаъолияти самараноки сафири Олмон дар Тоҷикистон изҳори сипос намуда, ба ӯ муваффақиятҳо орзу намуд.
Қобили зикр аст, ки Холгер Грен моҳи августи соли 2013 сафири Олмон дар Тоҷикистон таъин шуда буд.
