Баъди сӯхтор дар маркази савдои «Рио»-и шаҳри Маскав дуздон ба он ворид шуда, дӯконҳои «Связной» ва дигар шуъбаҳоро ғорат кардаанд.
Бино ба маълумоти шабакаи телевизиони «360», як шаҳрванди Тоҷикистон низ ба гумони даст доштан дар ин амал боздошт шудааст. Ӯ дар ин ҷо ба сифати фаррош кор карда, ният доштааст, ки ороишоти тиллои дар як баста пинҳоншударо ба берун барорад.
Ёдрас мекунем, ки шоми рӯзи 10 июл дар маркази савдои «Рио»-и шаҳри Маскав сӯхтор сар зада, дар натиҷа ҳудуди 3 ҳазор нафар ба макони бехавф кӯчонида шуда буданд. Бар асари сӯхтор 18 нафар осеб дида, вазъи 4 нафари онҳо вазнин аст.
