Мунтахаби футболи Тоҷикистон дар даври сеюми мусобиқаи интихобии Ҷоми Осиё-2019 дастаи Непалро шикаст дод.
Бино ба иттилои хабаргузории «Озодагон», ин бозӣ, 5 сентябр дар шаҳри Катманду баргузор ва бо ҳисоби 2:1 ба фоидаи Тоҷикистон хотима ёфт.
Голи аввали вохӯриро Манучеҳр Ҷалилов, ҳамлагари мунтахаби Тоҷикистон дар дақиқи 25-ум ва голи дуввумро Дилшод Восиев дар дақиқаи 30-юми рақобат ба ҳадаф расонд. Ягона голи ҷониби Непалро дар дақиқаи 51-ум Бимал Ғартӣ Магар вориди дарвозаи футболбозони тоҷик намуд.
Мунтахаби кишвар дар рақобатҳои муқаддамотии Ҷоми Осиё-2019 нахустин бозиашро бо мунтахаби Яман анҷом дод. Ин бозӣ бо ҳисоби 1:2 хотима ёфт. Дар бозии дуввум аз дастаи Филиппинро бо ҳисоби 4:3 шикаст хӯрд.
Қобили зикр аст, ки дастаҳои мунтахаби Австралия, Арабистони Саудӣ, АМА, Қатар, Чин, Эрон, Ҷопон, Сурия, Таиланд, Ироқ, Кореяи ҷанубӣ ва Узбекистон мустақиман дар бозиҳои ниҳоии Ҷоми Осиё- 2019, ки дар Амороти Мутаҳидаи Араб мегузаранд, иштирок мекунанд.
Дастаҳои мунтахаби Кореяи шимолӣ, Урдун, Уммон, Лубнон, Фаластин, Қирғизистон, Гон-Конг, Туркманистон, Сингапур, Ветнам, Кувайт, Филиппин, Гуам, Баҳрайн, Афғонистон, Тоҷикистон, Ҳиндустон, Малайзия, Камбоҷа, Яман ва Мянма дар бозиҳои гурӯҳии Ҷоми Осиё- 2019 якҷоя бо ғолибони се ҷуфти бозиҳои плей-оффи 1, ҷамъ 24 даста имсол дар 6 гурӯҳи чордастагӣ барои роҳхат гирифтан ба бозиҳои ниҳоӣ мубориза мебаранд. Дар натиҷа ғолибони гурӯҳ ва соҳибони ҷои дуюм ба қатори 12 дастаи финалист ҳамроҳ мешаванд.
Тақвими бозиҳои боқимонда дар гурӯҳ:
Даври 4-ум
10 октябр (сешанбе)
ТРҶИКИСТОН – Непал
Яман – Филиппин
Даври 5-ум
14 ноябр (сешанбе)
ТОҶИКИСТОН – Яман
Непал – Филиппин
Даври 6-ум
27 марти соли 2018 (сешанбе)
Филиппин – ТОҶИКИСТОН
Яман – Непал
