Дар Маркази исоилияи шаҳри Душанбе муддати ду рӯз нахустин конгресси миллии маъюбони Тоҷикистон доир гардид.
Зимни суханронӣ дар ин чорабинӣ роҳбари Ассостсиатсияи милии маъюбони Тоҷикистон Асадулло Зикрихудоев изҳор намуд, ки маъюбон ҳамроҳи дигар намоянагони қишроҳои ҷомеа дар рушди кишвар саҳм гузоштанианд.
«Дар ҳар як нафари ин ҷо ҳузурдошта ман сармояи бузурги зарурии корӣ барои Тоҷикистонро мебинам ва бовар дорам, ки аз он истифода хоҳад шуд», – иброз дошт ӯ.
Намояндаи САҲА Скот Кирин низ қисмати муҳим ва зарурии ҷомеа будани шахсони имконияташон маҳдудро таъкид дошта, зикр кард, ки «онҳо барои ҷомеа заруранд ва ба туфайли имконоти онҳо ҷомеа ғанитар мегардад. «Умедворам, ки нахустин конгресии маъюбон ба ин раванд ҳусни оғоз мебахшад»,- қайд кард номбурда.
Дар кори конгресс 70 намоянда аз шаҳру навоҳии кишвар, асосан ҷавонону афроди фаъол ширкат варзида, қобилияту истеъдоди худро намоиш доданд.
Иштирокчиёни конгресс аз мушкилоти ҷойдошта низ, аз ҷумла зимни сохтмони биноҳо ба инобат агирифтани талаботи онҳо, вазъи роҳҳо, ки аробаашон бар асари он тез-тез аз кор мебарояд, масъалаи савор шудан ба нақлиёти ҷамъиятӣ, мушкили дарёфти ҷойи корӣ ва ғайра табодули назар карданд.
Қобили зикр аст, ки айни замон дар Тоҷикистон наздики 150 ҳазор нафар шахсони имконияташон маҳдуд, аз ҷумла 26 ҳазор нафар кӯдакон ба қайд гирифта шудаанд.
