Бо фармони Президенти Тоҷикистон, Қозидавлат Қоимдодов бо сабаби ба нафақа баромаданаш аз вазифаи сафири Тоҷикистон дар Беларус, сафири Тоҷикистон дар Литва, сафири Тоҷикистон дар Латвия, сафири Тоҷикистон дар Эстония ва Намояндаи доимӣ ва ваколатдори Тоҷикистон дар назди мақомоти расмӣ ва мақомоти дигари ИДМ озод карда шуд.
Бино ба иттилои хадамоти матбуоти сарвари давлат, Ҳақдод Маҳмадшариф Маҳмуд аз вазифаи муовини вазири корҳои хориҷии Тоҷикистон озод ва ба вазифаи сафири Тоҷикистон дар Беларус, ҳамзамон Намояндаи доимӣ ва ваколатдори Тоҷикистон дар назди мақомоти расмӣ ва мақомоти дигари Иттиҳоди Давлатҳои Мустақил таъин карда шуд.
Саидзода Зоҳир Озод муовини нави вазири корҳои хориҷии Тоҷикистон таъин карда шуд. Аввали моҳи август ӯ аз вазифаи сафири Тоҷикистон дар Озарбойҷон ва ҳамзамон дар Гурҷистон озод шуда буд.
