Толибилмони Литсей барои кӯдакони лаёқатманд, литсейи «Ҳотам в П.В.» ва Литсейи президентӣ аз Олимпиадаи умумирусиягӣ аз фанни барномарезӣ бо дастовардҳо баргаштанд.
Одимпиада давоми рӯзҳои 9-10 декабр дар як вақт дар шаҳрҳои Санкт-Петербург, Барнаул, Алмаато ва Тифлис баргузор шуда, толибилмони тоҷик аз шаҳри Алмаато дар он ширкат варзиданд.
Тавре ба «Азия-Плюс» аз Литсей барои кӯдакони лаёқатманд хабар доданд, баъди даври аввал дар реҷаи онлайн 5 дастаи иборат аз 3 нафар ба даври олимпиадаи умумирусиягии даставии хонандагон оид ба барномарезӣ (ВКОШП) роҳ ёфтанд.
Ба иттилои манбаъ дар олимпиада дар маҷмӯъ 717 нафар толибилмон аз кишварҳои узви ИДМ ва Назди Балтика иштирок кардаанд.
«Дар муддати се соат дастаҳо бояд ҳалли 13 вазифаро оид ба барномасозӣ меёфтанд. Ду даста аз ҳисоби толибилмони Литсейи кӯдакони лаёқатманд медали нуқраву биринҷӣ ва дастаи литсейи «Ҳотам ва П.В.» медали нуқра ба даст оварданд», – гуфт манбаъ.
Аз Литсей ҳамчунин хабар доданд, ки рӯзи 15 декабр бо ташаббуси Донишгоҳи Бошқирдистон дар Маскав Олимпиадаи байнулмилалии фосилавӣ доир гардид, ки дар он 78 нафар толибилмон аз 18 кишвар ширкат варзиданд. Даври аввали олимпиада низ фосилавӣ сурат гирифта, панҷ нафар хонандагони тоҷик онро муваффақона гузаштанд.
Дар натиҷа баъди гузаронидани тест, навиштани иншо (эссе) ва ҳалли вазифаҳои шифоҳӣ, Нилуфар Ҳоҷиматова зинаи дуюмро ишғол намуда, ба ӯ дипломаи Олимпиада аз фанни забони русӣ супурда шуд. Дар ҳисоби даставӣ Тоҷикистон мақоми дуюмро касб кард.
