Бо дастгирии молиявии Раёсати Агентӣ оид ба рушд ва ҳамкории Швейтсария (SDC) ва дар машварат бо мақомоти дахлдори бахшҳои давлатии Ҷумҳурии Тоҷикистон, ташкилоти байналмилалии Оксфам дар Тоҷикистон нақша дорад то платформаи навбатии “Шабакаи ташкилотҳои ҳамкор оид ба Таъмини Оби Устувор ва Беҳдошт» – ро доир намояд.
Шабака дар навбати худ, сиёсатҳои дастрасии беҳтар ба оби тоза, хизматрасониҳои санитарӣ, таҳияи моделҳои самарабахши идоракунии захираҳои об ва санитарияро дар ноҳияҳо ва деҳот пеш мебарад.
Чорабинии мазкур санаи 21-ми феврали соли 2018, бо иштироки роҳбарони Вазорати энергетика ва захираҳои оби Ҷумҳурии Тоҷикистон, мақомотҳои дахлдори давлатӣ ва идораҳои Ҷумҳурии Тоҷикистон, намояндагии сармоягузорон, ташкилот ва муассисаҳои байналмилалӣ, шарикони рушд ва баҳрабарандагон, яъне истеъмолкунандагони об, дар бинои меҳмонҳонаи Шератон баргузор мегардад.
Шабакаи мазкур аллакай ҳамчун воситаи қудратии пайгиркунанда ва таъсиркунандае эътироф гардидааст, ки мушкилоти мавҷуда ва пайдошудаистодаи соҳаи обро равшан карда, ба мақомотҳои иҷроияи давлатӣ, сиёсатмадорон, ташкилотҳои байналмилалӣ ва шарикони рушде, ки дар соҳаи таъмини об фаъолият доранд, имконият медиҳад, то дастовардҳо ва дарсҳои омӯхташуда, усулҳои устувории комилро, ки мутобиқ ба кишваранд, бо дигарон пешниҳод ва баррасӣ намоянд.
Шабака ба рушди қонунгузории миллӣ дар бораи оби нӯшокӣ сахми назаррас карда, дар рафти машваратҳо барои муқаррар намудани нишондиҳандаҳои мақсаднок оид ба Об ва Тандурустӣ, дар соли 2013 нақши ҳалкунанда бозидааст. Ҳамчунин шабака дар сиёсати миллӣ, санадҳои меъерию ҳуқуқӣ (масалан, таҳияи методологияи миллӣ дар ҳисоб кардани тарифҳо барои об), низоми андозбандӣ, моликият ба системаҳои обтаъминкунӣ ва иҷозат барои сохтмон, саҳм гузоштааст.
Шабака аллакай як замина ва ё муҳити қарорқабулкунандаи муштаракро фароҳам оварда, масъалаҳои таъмини обро, ки марбут ба резолютсияи ассамблеяи Генералии Созмони Миллали Муттаҳид оид ба "Даҳсолаи байналмилалии амал "Об барои рушди устувор", 2018-2028" аст, дастгирӣ мекунад.
Ташкилоти байналмилалии Оксфам, ҳамчун яке аз ташкилотҳои калидӣ дар масъалаҳои таъмини устувори об, ба баҳрабарандагон/истеъмокунандагони об имконият медиҳад, ки ҷомеаҳои фарогирро дар чунин платформаҳои қароркабулкунанда намоядагӣ карда, ба мушкилиҳои мавҷуда равшанӣ андохта, фирку андешаи истеъмолкунандагони мардумро баррасӣ намоянд.
Дар давоми панҷ соли гузашта, Оксфам дар ҳамкорӣ бо Барномаи Рушди Созмони Милали Муттаҳид (БРСММ) дар ноҳияҳои Рӯдакӣ, Муминобод ва шаҳри Кӯлоб, 7 (ҳафт) системаҳои обиро дар 10 маҳалҳои аҳолинишин сохта, ба истифода додааст, ки тақрибан 24,700 нафар (қариби 2,901 хонавода, 50% занон) бо оби тозаи ошомиданӣ таъмин аст. Барномаҳо бо дарсҳои гигиена ва беҳдошт пурра шуда, 24,323 сокинон дар ҷомеаҳои ҳадафӣ ва мактаббачагон аз ин дарсҳо баҳра гирифтанд. Дар рафти лоиҳа 5 Ассотсиятсияи Кумитаи Об таъсис дода шуданд, ки бо Корхонаҳои Давлатии Фаръии Обтаъминкуни (Водоканал) ҳамкорӣ мекунанд. Илова бар ин, дар 8 муассисаҳои таҳсилоти умумӣ ва 4 марказҳои тиббӣ, хоҷатхонаҳои замонавӣ сохта шуда ҷумакҳои оби ошомиданӣ васл шудааст.
Хонум Оламбӣ Латифова, Раиси Шӯрои Машваратии Ҷомеа аз ноҳияи Муъминобод мегуяд: Вақте имконияти дар чунин шабакаҳо иштирок кардан пайдо мешавад, фикру андешаҳои баҳрабарандагон/истеъмолкунандагони обро ба назар бояд гирифт ва қарор қабул кард. Танҳо мардуми ҷамоа, аз руи таҷрибаи худ, муайян карда метавонад, ки ин низому қарорҳо ба кор меоянд ё не, ва чаро ҳа ва чаро не.
Таърихи шабака: “Шабакаи ташкилотҳои Ҳамкор оид ба Таъмини Устувор бо Об ва Беҳдошт»моҳи ноябри соли 2009, бо дастгирии Ҳукумати Ҷумҳурии Тоҷикистон таъсис дода шуда, таҳти роҳбарии муовини якуми сарвазири Ҷумҳурии Тоҷикистон гузаронида мешавад. Маблағгузории шабака аз тарафи раёсати Агентӣ оид ба рушд ва ҳамкории Швейтсария дастгирӣ ёфта, Оксфам хамчун пудратчии фаъол ва пешбарандаи лоиҳаи «Обтаъминкунӣ ва Беҳдошт(ТоҷТоб)» мебошад.
