Рӯзноманигори тоҷик Мадина Бобоиёни 36-сола муовини нави раиси шаҳри Исфара таъин шуд. Номзадии ӯ аз ҷониби президенти Тоҷикистон пазируфта шудааст.
Бино ба маълумоти дарёфтии «Азия-Плюс» аз ҳукумати ин шаҳр, муовини нави раиси шаҳр хатмкардаи риштаи филолгияи Донишгоҳи давлатии Хуҷанд буда, солҳои гуногун дар телевизиони шаҳри Исфара, ТВ «Сафина» фаъолият доштааст. То таъинот ба ин вазифа дар Раёсати маълумоти томактабии Вазорати маориф ва илми Тоҷикистон машғули кор буд.
Дар мақомоти шаҳрдории Исфара ба дӯши Мадина Бобоиён масъулияти ҳаллу фасли масъалаҳои иҷтимоӣ вогузор хоҳад шуд.
Қаблан ин мансабро Таборакхон Умарзода ишғол мекард, ки бинобар сабаби ба шаҳри Душанбе кӯчидани оилааш аз вазифааш канор рафт.
