Кормандони Кумитаи дин, танзими анъана ва ҷашну маросимҳои миллии Тоҷикистон дар дастурхонороӣ ба муносибати ҷашни Иди саиди Қурбон ягон ҳолати вайрон кардани қоидаҳоро пайдо накардаанд.
Тавре ба «Азия-Плюс» сухангӯи Кумита Муқим Афшин дар ин робита хабар дод, рӯзи 21 август кормандони Кумита дар аксари минтақаҳои кишвар рейдҳои интихобӣ гузаронида, ба манзиди бархе аз шаҳрвандон рафтанд, то ки андозаи оростани дастурхонаи идонаро муайян созанд ва дар ягон ҷой чунин қонуншиканӣ ба мушоҳида нарасидааст.
Ёдрас мекунем, ки андозаи дастурхони идона то 1х1,5 метр муқаррар шуда, рӯи он бояд мева ва чанде аз навъҳои шириниҳои идона, аз ҷумла чагалдак ва орзуқ гузошта мешуд. Хушкмева ҳам ба қадри начандон зиёд иҷоза буд. Барои риоя нашудани ин қоидаҳо барои қонуншиканон 5 ҳазор ҷарима пешбинӣ гардида буд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
