То охири ҳафта сокинони ҷумҳурӣ метавонанд аз обуҳавои софу беғубор ва офтобӣ баҳра баранд.
Бино ба маълумоти обуҳавошиносони кишвар, то охири ҳафта дар саросари ҷумҳурӣ боришот пешбинӣ нашуда, обуҳавои софу беғубор ва офтобӣ пешгӯӣ мешавад.
Дар Агентии гидрометеорологии Тоҷикистон итминон доданд, ки баъзан обуҳавои тағйирёбанда дар назар буда, ҳарорати то 16 дараҷа гарм мешавад. Сокинони пойтахтро низ чунин вазъи обуҳаво инттизор аст.
Тибқи пешгӯии обуҳавошиносон, дар минтақаи ҷануб ва ноҳияҳои тобеи марказ дар ин давра боридани барф дар назар нест.
Ҳамчунин то ҳол маълум нест, ки дар кадом гӯшаи Тоҷикистон сокинон Соли навро бо барф пешвоз гирифта метавонанд.
“Дар ин бора маълумот додан алҳол барвақт аст, зеро барои охири моҳи декабр мо алҳол пешгӯии дақиқ надорем”, – хабар доданд ба “Азия-Плюс” аз Агентии гирдрометеорологии кишвар.
Дар ҳамин ҳол, бино ба маълумоти АМИТ “Ховар” бо истинод ба Агентии обуҳавошиносии Тоҷикистон, имрӯз дар ҷумҳурӣ ҳавои тағйирёбанда шуда, дар баъзе минтақаҳо боридани борону барф дар назар аст.
Ба иттилои манбаъ, имрӯз дар Вилояти Мухтори Кӯҳистони Бадахшон ҳавои абрноки тағйирёбанда шуда, боридани борону барф дар назар аст. Ҳаво дар ғарби вилоят шабона -5-3, рӯзона +2+4 ва дар шарқи ин вилоят шабона -18-20 ва рӯзона -3-5 дараҷа сард мешавад.
Дар вилояти Суғд ҳавои абрноки тағйирёбанда шуда, дар водиҳо боридани борон ва дар ноҳияҳои кӯҳӣ боридани борону барф дар назар аст. Шамол аз самти ғарб 3-8 метр дар як сония мевазад. Ҳаво дар водиҳо шабона +1+3 ва рӯзона 9+11 дараҷа гарм мешавад.
Дар вилояти Хатлон ҳавои абрноки тағйирёбанда шуда, дар ноҳияҳои кӯҳӣ боридани борону барф дар назар аст. Ҳаво дар водиҳо шабона 5+7 ва рӯзона +13+15 дараҷа гарм хоҳад шуд.
Дар шаҳру ноҳияҳои тобеи марказ ҳавои абрноки тағйирёбанда шуда, шабона дар баъзе ноҳияҳо борон ва дар баландии 2000 м барф меборад. Рӯзона ҳавои тағйирёбанда шуда, фаромадани туман дар назар аст. Ҳарорат шабона ба 0-5 ва рӯзона ба 9-14 дараҷа мерасад.
Дар шаҳри Душанбе ҳавои абрноки тағйирёбанда шуда, шабона боридани борон дар назар аст. Ҳаво шабона 2+4 ва рӯзона +11+13 дараҷа гарм мешавад.
