Вазири меҳнат, муҳоҷират ва шуғли аҳолии Тоҷикистон Сумангул Тағойзода ва вазири рушди идорӣ, шуғл ва умури иҷтимоии Қатар Юсуф бин Муҳаммад ал—Усмон Фахру дар Давҳа созишномаи байниҳукуматӣ дар бораи танзими нерӯи кориро имзо намуданд, ки тибқи он, Қатар розӣ шуд муҳоҷирони меҳнатиии тоҷикро қабул намояд.
Аз маркази матбуотии вазорати меҳнат, муҳоҷират ва шуғли аҳолӣ хабар доданд, ки созишномаи мазкур моҳи феврали соли 2017, дар ҷараёни сафари расмии Президенти Тоҷикистон Эмомалӣ Раҳмон ба Давлати Қатар омода ва имзо шуда буд.
Тибқи меъёрҳои созишномаи имзошуда, муҳоҷирони меҳнатии тоҷик дар Қатар бо риояи шартномаи меҳнатие, ки тибқи қонунгузории ин давлат таҳия мешавад, метавонанд фаъолият намоянд.
Созишнома пас аз тасвиб эътибор пайдо хоҳад кард.
Интихоб ва фиристодани муҳоҷирони меҳнатӣ дар ихтиёри вазорати меҳнат, муҳоҷират ва шуғли аҳолии Тоҷикистон гузошта шудааст.
Интихоб ва фиристодани муҳоҷирони меҳнатӣ дар асоси дархости ҷониби Қатар амалӣ карда мешавад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
