Бо ибтикори Шӯрои тиҷоратии ИМА – Тоҷикистон ширкати “Baker McKenzie” дар мавзӯи тиҷорат дар Осиёи Марказӣ чорабинии махсус барпо намуд.
Дар чорабинии мазкур, сафирони кишварҳои Осиёи Миёна (ОМ), Афғонистон, намояндагони воломақоми ҳукумати ИМА, намояндагони доираҳои тиҷоратӣ ва илмӣ-тадқиқотӣ ширкат варзиданд, хабар доданд аз сафоратхонаи Тоҷикистон дар ИМА.
Гуфта мешавад, дар чорабинӣ сафири Тоҷикистон дар ИМА Фарҳод Салим иштирок ва суханронӣ намуд. Иштирокчиён имкониятҳои тиҷоратӣ ва сармоягузории кишварҳои хешро муаррифӣ намуда, оид ба тадбирҳои ҳукуматҳои хеш дар минтақа дар самти тиҷорат ва сармоягузорӣ маълумот доданд.
Гуфта мешавад, сафири Тоҷикистон зимни баромади хеш ташаббусу иқдомҳои Президенти Тоҷикистон Эмомалӣ Раҳмонро дар рушди имкониятҳои тиҷоратии кишвар, ислоҳоти иқтисодӣ ва эҷоди фазои муносиби сармоягузорӣ дар кишвар таъкид намуд.
Ёдрас мешавад, ки бо мақсади мусоидат ба ҷалби бештари сармоя ва ширкатҳои америкоӣ ба иқтисодиёти кишвар ва рушди муносибатҳои тиҷоратӣ миёни ду кишвар, дар соли 2016 Шӯрои тиҷоратии ИМА – Тоҷикистон таъсис дода шудааст.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
