Таҳияи лоиҳаи қонуни Тоҷикистон “Дар бораи Буҷети давлатии Тоҷикистон барои соли 2019” дар марҳилаи анҷомёбист, хабар дод ба “Азия-Плюс” як манбаъ аз сохтори иқтисодии ҳукумати ҷумҳурӣ.
Ҳаҷми умумии афзоиши Маҷмӯи маҳсулоти дохилӣ (ММД)-и кишвар дар соли оянда 87,3 млрд. сомониро ташкил хоҳад дод, ки нисбат ба соли равон 7,4% зиёд аст.
Қобили зикр аст, ки ҳаҷми умумии афзоиши Маҷмӯи маҳсулоти дохилии Тоҷикистон дар соли 2017 – 4,7% ва соли 2018 – 5%-ро ташкил дод.
Бино ба иттилои манбаъ, таҳиягарони лоиҳаи буҷет бар ин назаранд, ки соли 2020 касри (камбуди) буҷети давлатӣ 350 млн. сомониро ташкил хоҳад дод, ки ба 0,4% аз ҳаҷми умумии ММД баробар аст.
Ёдрас мекунем, ки тӯли 6 моҳи соли 2019 ҳаҷми ММД-и Тоҷикистон 31,3 млрд. сомонӣ (3,32 млрд. доллар)-ро ташкил дод, ки дар муқоиса бо ҳамин давраи соли гузашта 7,5% зиёдтар мебошад.
Ҳаҷми ММД аз ҳисоби афзоиши воқеии истеҳсоли маҳсулоти саноатӣ ба – 12,5%, маҳсулоти кишоварзӣ – 10,8%, гардиши савдои чакана – 9,4%, ҳамлу нақли мусофирон – 12,9% ва хизматгузориҳои пулакӣ – ба 0,9% расид.
Ҳаҷми муомилоти моли хориҷии Тоҷикистон дар нимсолаи аввали ҳамин сол 2 млрд. 136,9 млн. доллар (сатҳи афзоиш – 3,8%)-ро ташкил дод, аз ҷумла содирот – 570,6 млн. доллар ва воридот – 1 млрд. 566,3 млн. доллар (сатҳи афзоиш – 2,3%).
Ба ҳолати аввали моҳи июл қисмати умумии даромади буҷети давлатии Тоҷикистон 100,4% иҷро шуда, воситаҳои пулии ба буҷет воридшуда 10 млрд. 949,3 млн. сомонӣ (афзоиш 48,9 млн. сомонӣ) ва нисбати ММД – 35%-ро ташкил доданд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
