Дар робита ба баргузории корҳои таъмирӣ дар канали Варзоб, қисмате аз шаҳри Душанбе муддати як шабонарӯз бе оби нӯшокӣ мемонад.
Бино ба иттилои дафтари матбуоти мақомоти шаҳрдории Душанбе, аз соати 22:00-и 3 сентябр то соати 22:00-и 4 сентябр интиқоли оби нӯшокӣ ба кӯчаҳои Спортивная, Шараф, Ал-Берунӣ, минтақаи шаҳракаи тиббӣ (Медгородок), Боғи ҳайвонот, Варзишгоҳи марказии ҷумҳуриявӣ ва “Кохи Наврӯз” қатъ мегардад.
Ҳамчунин дар ин муддат интиқоли об ба кӯчаҳои Исмоили Сомонӣ, Ҳ.Шерозӣ М.Турсунзода, Шевченко, Шероз, С.Носир, Шотемур, Ф.Ниёзӣ, А.Командир, М.Холов, Л.Шералӣ, Ғ.Абдулло, Азизбеков, Ф.Шахобов, Л.Толстой, М.Миршакар, Пушкин ва Теҳрон низ боздошта мешавад.
Дар ин робита мақомоти шаҳрдорӣ аз сокинони дар ин кӯчаҳои пойтахт иқоматдошта дархост мекунад, ки барои як шабонарӯз оби нӯшокиро захира намоянд.
Ба раисони ноҳияҳои пойтахт ва раҳбарияти КВД «Обу корези Душанбе» дастур дода шудааст, ки дар давраи иҷрои корҳои таъмирӣ бо истифода аз мошинҳои обкашӣ сокинони минтақаҳои беобмондаро бо обӣ нӯшокӣ таъмин намоянд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
