Истеъмоли шабонарӯзӣ барои як узви хонавода дар Тоҷикистон тӯли 6 моҳи соли равон 2617,20 килокалорияро ташкил додааст, ки нисбат ба меъёрҳои тавсиякардаи Созмони ҷаҳонии тандурустӣ андаке зиёд аст. Дар ин хусус дар маҷмӯаи чанде пеш нашршудаи Агентии омори назди президенти Тоҷикистон “Бехатарии озуқаворӣ ва камбизоатӣ” маълумот дода мешавад.
Муаллифони маҷмӯа қайд мекунанд, ки меъёри аз ҷониби Созмони ҷаҳонии тандурустӣ тавсияшуда 2100 килокалория дар як шабонарӯз аст.
Таъкид мешавад, ки нимсолаи аввали соли 2019 истеъмоли нон ва маҳсулоти нонӣ ба ҳисоби миёна барои 1 узви хонавода 80,4 килоро ташкил додааст, ки барои ҳамаи минтақаҳои ҷумҳурӣ хос мебошад.
“Умуман, дар нимсолаи аввал истеъмоли картошка ба ҳисоби миёна сари ҳар нафар 21,1 кило, сабзавоту полезиҳо – 52,2, шир ва маҳсулоти ширӣ – 36,8, гӯшт ва маҳсулоти гӯштӣ – 6,6, равғани рустанӣ – 8,2 кило, тухм – 50 дона, қанду шакар ва маснуоти қаннодӣ – 7,6, мева – 14,7 килоро ташкил кардааст”, – қайд мешавад дар маҷмӯа.
Гуфта мешавад, таносуби бештари хароҷоти хонаводаҳо барои хариди маҳсулоти хӯрокворӣ ба маҳсулоти нонӣ 34,3% рост меояд.
Дар гузориш таъкид шудааст, ки дараҷаи музди ҳақиқии меҳнат (бо назардошти тағйироти индекси нархҳо) дар моҳи июни соли 2019 нисбат ба моҳи майи соли 2019 – 10,6% ва нисбат ба моҳи июни соли 2018 бетағйир мондааст.
Ҳиссаи аҳолии дар сатҳи камбизоатӣ қарордошта дар Тоҷикистон аз 29,5% дар соли 2017 то ба 27,4% дар соли 2018 коҳиш ёфтааст.
Бино ба маълумоти Агентии омор, 37,1% аҳолии камбизоат дар вилояти Хатлон, 28,2% дар ноҳияҳои тобеи марказ, 16,7% м дар вилояти Суғд, 9,7% дар Душанбе ва 8,3% дар ВМКБ зиндагӣ мекунанд.
ИЗОБРАЖЕНИЕ
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
