Бо қарори раиси пойтахт Рустами Эмомалӣ ғолибону ҷозадорони озмуни “Беҳтарин соҳибкори шаҳри Душанбе” мукофот мегиранд. Дар ин бора торнамои шаҳрдорӣ хабар медиҳад.
Озмун ба хотири боло бурдани нуфуз ва мавқеи соҳибкорон дар ҷомеа, таблиғи дастовардҳои онҳо, кумаки ҳамаҷониба ва ҳавасмандсозӣ баҳри рушди минбаъдаи соҳибкорӣ дар пойтахт доир гардид.
Қобили зикр аст, ки бар асоси қарори шаҳрдорӣ озмуни мазкур сар аз соли 2010 гузаронида мешавад.
Рӯйхати ғолибону ҷоизадорони озмун дар сомонаи шаҳрдории пойтахт нашр шудааст.
Радиои “Азия-Плюс” дар бахши “Технологияҳои иттилоотӣ” ғолиб дониста шудааст.
Дар дигар бахшҳо Комбинати шири Душанбе, “Тоҷиктекстил”, ҶДММ «Рамзан Сохтмон», «Газпром-нефт Тоҷикистон», Маркази тиббӣ-эстетикии «Жасмин», «Мегафон Тоҷикистон» ба сифати ғолибон зикр шудаанд.
ҶСП «Заводи асфалту бетон» дар бахши “Истеҳсоли масолеҳи сохтмон ва сохторҳо” ба шоҳҷоизаи озмуни “Беҳтарин соҳибкори шаҳри Душанбе” сазовор дониста шудааст.
Мувофиқи қарор, диплому туҳфаҳои хотиравиро ба ғолибону ҷоизадорони озмун шахсан Рустами Эмомалӣ тақдим мекунад. Дар бораи рӯзи баргузории маросими ҷоизасупорӣ ҳанӯз маълумот дода нашудааст.
Қобили зикр аст, ки радиои “Азия-Плюс” чандин сол боз ғолиби ин озмун эътироф мешавад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
