Бар асари сӯхтори шадиди ҷангал, ки аз тирамоҳи соли 2019 дар Австралия ҷараён дорад, наздики миллиард ҷонвар ҳалок шуд.
Тавре Медуза менависад, дар ин бора профессори Донишгоҳи Сидней Крис Дикман маълумот дода, қайд кардааст, ки то аввали моҳи январи танҳо дар аёлат (штат)-и Уэлси Ҷанубии Нав 800 млн. ҳайвонот маҳв шудаанд.
Дар ҳисоби худ Дикман ҳайвоноти ширхор, паранда ва хазандагонро зикр мекунад, ки бевосита дар оташ сӯхтаанд ё аз тағйири муҳити зист бар асари сӯхтор ҳалок шудаанд.
Гуфта мешавад, ба ҳолати аввали моҳи январ бар асари сӯхтор дар ҷангалҳои ин кишвар дар қаламрави наздики 10 млн. гектар растаниҳо нобуд шудааст. Садҳо манзил ба коми оташ рафта, беш аз 20 нафар ҷон бохтанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
