Дар қаламрави ҶДММ “Нӯшокиҳои Искандар” воқеъ дар кӯчаи Раҳмон Набиеви ноҳияи Синои шаҳри Душанбе шоми рӯзи 28 август таркиш рух дод.
Тавре ки маркази матбуоти ВКД Тоҷикистон хабар медиҳад, дар ин корхона нӯшокиҳои ташнашикан истеҳсол шуда, молики он сокини 34-солаи пойтахт Мирзоискандар Дониёров мебошад.
Гуфта мешавад бинобар сабаби риоя нагардидани техникаи бехатарӣ дастгоҳи фишордиҳии (компрессор) корхонаи мазкур таркидааст.
Зикр мегардад, ки дар натиҷаи таркиши дастгоҳи фишордиҳӣ хушбахтона, ягон нафар зарари ҷисмонӣ надидааст.
Дар бораи ҳаҷми зиёни расида ба корхона бар асари ин таркиш маълумот дода нашудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
